談到每月的「女人之苦」，陳嘉寶與王若琪出席活動時異口同聲表示苦不堪言，嘉寶更自爆每月要靠止痛藥救命；而王若琪則試過痛得要睡在月台！

陳嘉寶自稱是M痛之冠，有冇咁誇呀？

陳嘉寶（右起）、黃詩思及王若琪齊齊與主持分享美肌心得。

王若琪難忘因M痛而打橫瞓喺月台。

陳嘉寶（Anjaylia）昨日身穿粉藍色Tube Dress出席護膚品牌活動，與同樣是品牌代言人的王若琪（Takki）鬥晒嫩膚，兩位更即場分享護膚心得。

擁有白滑肌膚的Anjaylia自爆早前因忙於拍戲而經常懶得落妝：「我真係覺得自己塊面不得了，我前排拍戲真係連瞓都冇時間，所以試過連續兩至三日冇落過妝，不過依家唔敢啦！」其後又大呻「每月一事」才是真正影響肌膚與工作的元兇：「我以前喺學校痛到出晒名o架喇！仲食乜嘢都會嘔晒出嚟，成日要去醫療室休息，依家每次都要食止痛藥，以前仲嚴重到要打止痛針止痛！」

睇中醫調理身體

而同場的Takki亦對月事之苦感同身受：「我依家做運動排毒同埋睇中醫調理就好啲，之前真係痛到頂硬上做嘢咋！好深刻記得十幾歲搭地鐵嗰陣打橫瞓喺月台度，要人用Office嘅櫈嚟推我走！」