徐小明威逼利誘老婆演出

藝人徐小明昨日為演唱會進行拜神儀式，與太太孖住現身的他講到前晚綵排時終獲太太答應參演：「綵排已經好暢順，太太仲應承咗會幫我演出。」他又笑言在威逼利誘下才得太太首肯：「咁啱今年係我哋結婚35周年，我同佢講不如當送份禮物畀我，佢好快就答應咗。」問到對太太的演出有何回禮？他笑說：「成個演唱會佢都好緊張，幫我打點好多嘢，所以打算完騷就去同佢放幾日假。」他又透露中秋節正值是結婚周年紀念，正擇日慶祝。