候選港姐(9)王卓淇昨日又被爆料指在大學讀書時態度高傲但成績差，昨日她排舞時淡定回應：「我唔係高傲，呢啲叫自信！」

王卓淇對於被指讀書時高傲兼成績差，例牌否認。

16位港姐佳麗與狄易達齊齊排舞。

狀態大勇的黃碧蓮（右），連跳舞都落力過人！

吳凱欣（右）不擔心有勁敵，會與其他佳麗一同努力。

昨日《2014香港小姐競選》十六位佳麗為比賽排舞，近日經常被讀者爆料的「碩士法拉」(9)王卓淇再被爆料指讀大學期間叫Nikki，為人高傲，成績又差，更質疑她在港居住年期應未夠資格參選港姐，對此，她淡定地回應：「我以前唔係叫Nikki，叫Royki，我唔係高傲，呢啲叫自信。（漠視同學？）冇咁嘅事，識我嘅人知我平易近人。我喺廣州出世，三、四年前嚟香港住，公公婆婆半世紀前已經喺香港定居，我2010年拎到香港身份證，但未有三粒星，但參加港姐唔使三粒星。」她否認曾與同學爭男、女朋友而不斷被人爆料針對，估計是同一人所為：「可能嗰個人好憎我，但相信評判唔會受到新聞影響。」

黃碧蓮靠鼓勵減壓

另外，「加國熙蕾」(3)黃碧蓮狀態大勇，人氣急升被視為熱門人選，她說：「多謝！都好開心！（有壓力？）我家人同朋友都好支持我，日日都鼓勵，壓力自然會少好多。」而一直被視為熱門的「大眼DaDa」(11)吳凱欣則未有受打擊：「佢今日跳得好好，好希望自己可以同佢一齊努力！（威逼你？）唔會！大家都有不同優勢，到時喺台上一齊表演畀大家睇，希望當晚Good Show。」至於「直鼻陳凱琳」(1)謝芷倫表示有信心進身十強。另外，狄易達讚各佳麗跳舞水準不錯，惟未能清楚分辨她們，因佳麗號碼牌掛在胸前，不敢直望。