「寸嘴Barbie」夏尉喻自拍拋胸Rap短片上網，谷點擊率爭奪星爺新片《美人魚》角色，又應東網及《好報》之邀出浴晒「深溝」，成為近期人氣王。據悉，昨晚《美》片海選截止，Barbie與許雅婷及蔚雨芯打入40強，Barbie更「名列前茅」，大有機會躋身「星女郎」之列。

自信爆棚的夏尉喻，已諗定到北京見星爺時攞簽名。

正積極瘦身的夏尉喻，不介意演丑角。

夏尉喻

《好報》報道夏尉喻玩泡泡深度誘惑星爺。

Barbie昨日出席活動時自信地說：「冇留意短片有幾多Like，今次旨在參與，有人話要睇多幾次條片先明白內容。」同場的石天欣賣口乖指「睇一次就明」，Barbie即笑晒：「佢係我粉絲，第時去北京見星爺，一定幫佢攞簽名。（有信心入圍？）有信心攞到簽名囉！」

談到杜汶澤惡搞其短片，Barbie笑說：「冇睇，不過咁係成功嘅開始，我好有條件做諧星，佢崇拜我先模仿啫！（錢國偉有份拍《美》片喎？）唔知，冇佢電話。（如果入圍介唔介意醜化自己？）唔介意，我嘅身體係道具，希望配合到劇組要求。（傳「奶茶妹」章澤天係內定女主角？）唔清楚，總之能夠同星爺合作，係海星或者鹹魚都冇所謂。」她事後再接受電話訪問，透露有網友指她可繼承「如花」及「石榴姐」衣鉢，並強調已積極減肥，希望瘦人不瘦胸。