另一邊廂，唐詩詠日前亦被《好報》發現與一名髮型似足鄭伊健的斯文男於大坑一間酒吧密會。過往愛以T恤牛仔褲打扮的詩詠，當晚換上半截裙及化淡妝，配合「脹爆伊健」造型，雖然同性好友拿拿淋亦同場，但詩詠與「脹爆伊健」仍孖公仔密密傾，不時邊飲邊甜笑，眾人逗留約個多小時才埋單走人。由於下雨，「脹爆伊健」擔遮細心護送詩詠往取車，二人於車前傾多幾句，詩詠才驅車離開。

唐詩詠冒雨與「脹爆伊健」於大坑開餐。

對此，詩詠昨日透過電話回應，指男方是認識很久的電台DJ，名叫CY，問她是否拍拖？她笑說：「梗係唔係，如果係我哋就係三角戀，佢同拿拿淋先係一對。」對於崔建邦拍拖，她說：「梗係要恭喜！佢都唔細喇！」自言沒有追求者的她，於一個電台訪問中承認以往是愛情狂，又表示現時擇偶不會注重樣貌，喜歡天真及幽默的男士。