曾參與電影《迷離夜》的新人沈良杰（Kitson）拍戲經驗尚淺，但年紀輕輕已定下目標，希望效法謝霆鋒成為多棲藝人，他說：「謝霆鋒好努力，佢份人好肯搏，好多角色佢都肯做，唔會只係發展單一方面，會接拍唔同片種。我同佢一樣都係十幾歲入行，希望可以好似佢咁作多方面發展。」熱愛演戲的Kitson非常「大貪」，想試勻正邪兩道角色：「其實拍警匪片係我心願，因為喺我心目中做警察好有型，另一方面又好想做蠱惑仔，做啲同我現實相反嘅角色，咁就可以喺拍戲過程中感受吓做黑社會嘅滋味。」

沈良杰熱愛電影，望挑戰不同角色。