近期積極回歸樂壇的歌手譚嘉荃（Amy），除了推出多首合唱歌，更做埋填詞人，實行唱得又寫得！外表斯文的她，於剛過去的音樂會上大展搖滾一面，令樂迷刮目相看！

Amy重返樂壇，於音樂路上作多方面嘗試。

漢洋與Amy早前舉行的音樂派對，外界反應理想。

歌手譚嘉荃（Amy）積極回歸樂壇，除了孖住漢洋推出多首合唱歌，早前他們舉行音樂派對，非常成功，問Amy回歸樂壇有否感到壓力？她說：「一定有，本身唱開慢歌，依家都想唱快歌，仲有最希望係今個月可以推出合唱碟，依家差一首就搞掂。」

對填詞有興趣的Amy，於過往的作品亦有親自填詞，但她自嘲產量太少，她說：「平時有寫詞，都係聽完首歌一次，有Mood就會寫番個感覺出嚟。除非係為咗電影，如果唔係多數都憑感覺嘅。（寫畀其他人？）我太慢，所以自己都填唔切，最多都係幫人監製，自己好多嘢都做唔切。」

笑漢洋跳唔郁

談到與漢洋的音樂派對反應理想，問Amy會否再下一城，在紅館舉行第二擊，她說：「上次做音樂會其實好趕，不過好多朋友都想我哋搞第二次。（喺紅館？）如果可以，梗係想啦！好多朋友睇完個騷，都話最估唔到我可以咁Rock，大家都話我可以嘗試多啲。（試下跳番舞？）都可以。（搵漢洋一齊跳？）我驚佢跳唔郁，都係自己搵隻歌試吓。」