「沒女」一詞近期十分流行，不過無論你是否「沒女」，丘凱敏（Anna）主持的節目《女皇駕到》都可以幫你大改造。她與節目的星級化妝師Annie G.及營養師Jonne組成「鐵三角」，攜手出書教扮靚，早前三人接受《東網》的《娛樂onShow》訪問，與主持陳振安大談美容心得，更表示出書目的是教大家如何靚足一世！

Anna希望新書能令讀者由內到外都變靚。

Jonne（左起）、Annie G.與Anna向陳振安暢談新書的內容。

Annie G.找來模特兒即場示範3分鐘化妝法。

主持丘凱敏早前與節目《女皇駕到》中的星級化妝師Annie G.及營養師Jonne攜手出書，教大家如何靚足一世！她們接受《東網》的《娛樂onShow》訪問，與主持陳振安暢談出書的過程。Anna說：「我覺得個電視節目入面真係有好多資訊，如果淨係喺電視上表達真係有啲浪費，所以我哋先會自資出咗第一本書。」

內外大變身

今年出到第三本，哪在內容上又有何不同？Anna說：「第一本書其實係試水溫，所以內容比較精簡，可以算係一本產品指南。第二本加咗化妝師Annie G.，主要教人化妝同玩唔同嘅色彩元素。嚟到第三本書時我哋決定唔想只令大家靚一時，希望大家可以靚一世！因此今次再加入營養師Jonne，希望大家內外都可以大變身！」

書內講述如何將21名平民模特兒進行大改造，Anna說：「我哋事先會同參加者詳談，知道佢哋本身嘅性格同弱點，然後幫佢哋設計一個最合適嘅造型。」如果想知道在Anna心目中誰是造型最完美的娛樂圈女星？又或是想跟星級化妝師Annie G.學習3分鐘化妝法，便不能錯過《娛樂onShow》！