「巨聲幫」許廷鏗（Alfred）日前為果汁酒品牌活動擔任嘉賓，他透露會為寫歌攞靈感而飲酒，但自嘲酒量差，並笑說：「我飲完酒好易瞓着，試過喺欣宜屋企飲大幾杯，伏咗喺佢張枱度瞓，瞓醒發現地下有成攤口水！反而佢酒量唔錯，不過佢其實飲唔飲酒都Keep住亢奮狀態。」問到可曾酒後亂性？他表示經常會酒後亂噏，更曾醉到斷片。另外，Alfred透露為錄新歌時出現阻滯，他說：「新歌會比較輕快，可能係新曲風，我錄極都未入狀態，有少少失望。」

出席戶外活動，許廷鏗獲大批粉絲撐場。

許廷鏗自認酒量差，但寫歌亦會飲些少攞靈感。