歌手羅孝勇（Sheldon）與李安豪（Ivan）日前到唱片店舉行小型音樂會，身形健碩不少的Sheldon透露最近積極操弗，打造爆肌Body：「因為拍MV會剝衫，呢排增咗15磅再練大隻，視覺效果會好啲。」他透露MV中與女主角做高難度瑜伽動作：「我要喺張枱度用對腳支撐住佢，佢就喺上面做體操動作，好彩大家都冇跌落嚟。」提到早前生日獲緋聞舊愛林欣彤送祝福，Sheldon大方地說：「咁我都祝福佢，雖然好少見，但見到都唔會尷尬。」至於Ivan亦計劃操肌，並約Sheldon做Gym，他說：「試過增肥，但一係肥肚腩，一係肥面，加上我膊頭窄，較難練到好橫。」

羅孝勇（左）與李安豪走埋一齊，不是講健身便是Jam歌。