胡諾言關公上身行蠱惑

爸爸級藝人胡諾言近期為《區區有鬼故》扮演蠱惑仔，向來演慣正派角色的他為增加煞氣，除了要在面上化上刀疤特技妝外，背上更要畫上關公紋身，化妝花約兩小時，幸好他對出來的效果十分滿意，胡仔說：「自己好少做蠱惑仔角色，同埋近期出街嘅《我們的天空》入面都係做正正經經嘅角色，所以今次蠱惑仔造型都覺得幾得意。」而他在化妝間赤膊畫上紋身時，一身弗爆肌肉更引來同事讚賞目光。