影壇新人許芯悅（Katie）早前擔正驚慄電影《生前必做．七件事》，扮演一名大膽及思維清晰的少女，但她笑言角色與真人不太相似：「我冇咁大膽，仲有啲傻更更，似嘅地方就都係咁鍾意幫人，幾有義氣！（演繹上有難度？）我哋用咗好長時間準備，排咗幾個月戲，行路同聲線都有討論，所以冇問題。」外形活潑Cute爆的Katie，笑言經常與「恐怖」工作扯上關係，早前又拍攝有線節目《怪談》，問到會否怕局限只能做「恐怖演員」？她說：「我外形弱小啲，驚嘅反應會感染到觀眾，但仲有其他工作搵我，唔怕局限，都想演愛情片同喜劇。」

外表可愛的許芯悅走恐怖路線，莫非想挑戰羅蘭姐？