無綫劇集《忠奸人》中演繹不一樣警察的吳卓羲，演出獲好評讚有進步，他不諱言劇集是近期一套滿意作品，但卻沒有諗過攞獎問題，不想為攞獎而拍戲，最關心是觀眾口碑。

吳卓羲與新人劉思希片中有不少親熱戲，自然難不倒身經百戰的他。

吳卓羲指拍戲不會看重獎項，最關心是觀眾口碑。

吳卓羲指《忠》劇的警察角色十分人性化，內心戲充滿掙扎與矛盾。

由劇集《學警雄心》到近期的《忠奸人》，吳卓羲演過不少警察角色，但他認為《忠》劇的角色與以往大不同！除了查案及捉賊動作場面依舊刺激外，《忠》劇角色更是一貫監製王心慰的作品特色，描述人性矛盾及講究演員的內心戲，他說：「今次警察角色同我演過嘅好唔同，角色好人性化同好多內心戲，講我執行一次任務意外令郭晉安受傷，因為內疚呢兩個字做咗好多踩界嘢。」

吳卓羲覺得《忠》劇是繼兩輯《衝上雲霄》後自己最喜歡的一套作品，更少有地向朋友「硬銷」捧場，評價亦有讚冇彈。事實上，他的演技明顯昇華到另一層次，問到可會希望憑該劇攞獎？吳卓羲說：「冇諗攞獎！如果為咗攞獎去做一件事係會有影響、有壓力，唔想為攞獎而拍戲，最緊要觀眾鍾意有口碑。」

升呢做前輩

入行不經不覺已經十多年，吳卓羲除了遇上郭晉安與田蕊妮鬥戲外，今次也要負起帶新人的前輩角色！新人劉思希飾演其女友，劇中還有不少親熱戲，吳卓羲說：「拍呢啲戲自己身經百戰，最緊要係溝通，見到劉思希都好緊張，咪叫佢放鬆啲，指導就留番畀導演同佢傾偈，話畀佢知點做。」