無綫小花馬賽自艷舞片流出後，昨晚首度「復工」，為時裝騷行騷時仍見面帶笑容。她強忍淚水指停工後靠家人幫助，但坦言從沒有自殺念頭。

有姚子羚傍實行騷的馬賽即笑晒，但提到日後生活時又眼濕濕。

馬賽

楊思琦力撐馬賽狀態大勇，呼籲大家給予空間。

首度出關的馬賽昨晚出席活動，同場還有關寶慧、楊思琦和姚子羚等。馬賽受訪時向傳媒合十：「多謝你哋嘅關心，呢個Job一早接咗，作為藝人應該要有專業操守。」她表示暫時沒有其他工作。對於有指暫遷回內地，她表示父母住在內地，想抽時間陪家人：「件事影響咗屋企人、同事、朋友同敬重嘅前輩，真係好抱歉！（前輩係咪指劉松仁？）其實連累嘅人好多，唔止松哥。」問到舊愛汪子琦指她有傳艷舞片給圈中年過半百的藝人，她強調沒擁有過該片，並透露已交由警方及香港個人私隱專員公署調查。

信佛尋安慰

問到有否對汪子琦及富婆Laura產生恨意，她只說：「我淨係同所有女性講一定要保護自己。一段錯誤嘅感情去到一個咁災難性同毀滅性嘅結果，係要自己承擔。（後悔識咗呢個人？）半年前開始信佛，好多嘢都要認命。（汪子琦話係你主動跳艷舞？）我冇回應，我信佛，『萬法皆空，因果不空』，好多嘢因果會畀到答案。」

冇諗過自殺

她雖沒有自殺念頭，但直言好難捱：「最難捱嘅一星期，我冇聽同睇任何嘢，只知道無論發生咩事都唔可以傷害自己，因為仲有好多人疼錫同支持。」　她透露一月開始看精神科醫生：「有食幫助平復情緒嘅藥物。」問到停工後如何負擔生活時，她強忍淚水：「呢大半年都係靠屋企人。（有指你貪汪子琦600萬？）冇回應。（頒咗禁制令個人鬆一口氣？）真係好感激律師團隊不眠不休咁幫我。楊思琦則大讚馬賽狀態弗。姚子羚說：「我有叫佢咪驚同緊張。」