與環球唱片合作了3年的吳雨霏（Kary），明年初便約滿，據知公司正積極跟她洽談續約，但有傳Kary的舊老闆黃柏高（Paco）也以厚酬斟她跳槽，Kary透過電話回應：「我明年初約滿，係同公司傾緊續約，但好初步。」她拒絕透露哪間唱片公司向她招手，但默認Paco是其中一個：「同Paco合作咗9年，佢係我入行其中一個恩人，要睇緣分。」

約滿環球唱片的Kary，默認舊老闆Paco曾斟她回巢。

對於環球及太陽娛樂被形容為其「新歡舊愛」，Kary笑說：「有人要已經好開心。（仲有其他公司斟？）我好多人追o架！」又坦言與環球關係非常良好，一直合作愉快：「公司放咗好多資源畀我，今年仲幫我出兩隻碟，有錢梗係想賺多啲，但除咗錢嘅因素，長遠嘅合作模式、音樂上嘅發展都係我重視嘅，基於尊重問題，我會優先考慮環球！」