陳志雲自薦姊妹檔谷收視

陳志雲及莊思敏（Jacquelin）等昨日為電影節開幕禮擔任嘉賓，提到被指與無綫真人騷《沒女大翻身》參賽者Meggie及無綫高層余詠珊外貌相似，陳志雲笑言不介意：「網友開心都冇所謂，但我冇沒女咁有性格！第日搵埋我同Meggie一齊宣傳都好！」問到可覺得與Meggie及余詠珊似樣？他即大讚余詠珊：「同Meggie唔似，余詠珊啲牙都唔係咁！佢以前成日着涼鞋，啲腳趾相當優美！冇話靚唔靚，Meggie改善咗髮型同牙都唔差！」對於節目內容被指造假，他指節目錄得高收視：「從觀眾同社會現象去睇，見解都唔同。不過導師教人啲態度令人唔太舒服。（節目累積500多宗投訴？）咁證明多人睇！」

莊思明要空間冷靜

同場的Jacquelin表示對荷里活影星羅賓威廉斯（Robin Williams）疑因情緒病輕生感悲痛。另外，談到妹妹莊思明傳與陳司翰發生不愉快事件，她指妹妹心情尚佳，又呼籲觀眾給予空間。至於陳司翰昨日在微博發聲明，表示對虛假報道深表憤慨，若有媒體繼續抹黑、為求利益而不擇手段，他會保留法律追究權利。