伍詠薇唱英文歌壓力腫

向來弗爆的伍詠薇（伍姑娘）昨日與著名形象指導郭慶彬出席首飾品牌施華洛世奇舉行的分享會，略為發福的她自爆時肥時瘦：「我唔會日日上磅，去到我呢個年紀最緊要係健康，肥少少又唔會死，我唔在乎磅數！（老公鍾意你肥定瘦？）我點樣佢都鍾意，其實男人鍾意身邊嘅女人有啲肉地，我都覺得女人有少少肉靚啲，太瘦好乾！」她又表示獲邀擔任Joe Junior的演唱會嘉賓感到非常榮幸：「我好緊張，可能因為壓力令我水腫，所以睇起嚟肥咗。入行已經識佢，當年佢聽到我唱英文歌話好好聽，佢搵過我幾次做嘉賓，但我冇信心所以推咗，依家努力練歌同練英文發音。」並透露明年會演出首個舞台劇。