周秀娜昨日身穿露背裝出席活動，大會本來邀請黎耀祥及蘇玉華任嘉賓，但兩人因事缺席才由她頂上。娜姐表示不介意被指「執二攤」，更笑言可以一個頂兩個！

周秀娜身穿大露背裝亮相，絕不欺場！

黎耀祥及蘇玉華因拍攝工作缺席，由娜姐臨時頂上。

性感女神周秀娜昨日出席《3家居寛頻與Letv樂視攜手走進4K寛頻娛樂新世代》新聞發布會，大會本來邀請黎耀祥及蘇玉華擔任嘉賓，但兩人因事缺席，結果由娜姐頂上，她說：「活動前一晚先收到公司臨時通知，同主辦機構合作過，所以邀請我嚟都好開心，酬勞好好。（知道本來係黎耀祥同蘇玉華做嘉賓？）同事有講過，實在太趕。（驚畀人話執二攤？）唔介意，工作啫！（同視帝睇齊？）又冇咁諗，但如果之後一個人頂到兩個人都幾好！（收兩份錢？）哈哈！要問公司同事。」

搵外星人除疤

提到席上被發現背部有疤痕，娜姐說：「之前拍《爆3俏嬌娃》吊威吔受傷，會考慮做激光褪疤。」

向來有追看韓劇的她又被問到心中男神是誰？她竟口快快說：「全智賢……對唔住，係佢對手金秀賢！我講全智賢係因為佢做戲好自然，都好鍾意金秀賢！（係理想男友類型？）都幾難搵到有咁多才多藝嘅人，仲要係外星人！如果係我會問點去疤同皺紋！」

另外，蘇玉華接受電話訪問時透露與黎耀祥因拍攝節目而缺席活動，問到是否已收到酬勞？她說：「我都想唔做嘢就有錢收！」電訊公司企業及市場傳訊總監何先生則說：「黎耀祥收到特別通告，所以嚟唔到。」並否認兩人與活動的另一媒體有身份衝突才缺席。