女神岑麗香昨日為腕錶活動擔任模特兒，問到宋熙年公開與陳智燊的戀情，她大讚甜蜜並恭賀他們。問到拍拖可會公開戀情？她說：「可能一開始會Keep住兩個人先，穩定之後先公開，希望將來大家支持。（未揀定？）未呀！（家人冇催？）佢哋都想我拍，不過都支持我做好事業先。」她又指擇偶條件首要心地善良：「最重要心地好，外表吸引都比唔上內在美重要。（想搵圈內定圈外人？）冇所謂，睇大家夾唔夾，有冇相同價值觀。（識富二代？）有錢冇錢都好，開心係最重要！如果我自己搵多啲錢，就唔使理呢樣嘢。（唔介意養男友？）希望唔使養佢，我都唔期望有人養我，大家一齊努力。」

岑麗香靠自己搵錢唔需要未來男友養，果然有骨氣！