金剛搵志偉介紹富婆

曾志偉、金剛和江欣燕昨日出席《願望成真基金 x 奇華餅家》活動，志偉希望演藝人協會與該基金緊密合作，如病童想見藝人會幫他們安排。對於女友蕊蕊不諱言有內地富二代K先生追求，金剛坦言蕊蕊曾提過，但他對自己有信心：「有人追好正常，咁先有價值，冇人追就慘喇！（女仔追你都得？）唔介意！追唔追到係另一件事，係喎！點解冇富婆追我，搵志偉介紹吓先。我乜嘢強唔使講蕊蕊都知！（邊度？）個心囉！用銀彈唔啱，感情唔係物質。」而早前屋企被爆竊的江欣燕笑言，父親在她房間安裝很多鐵枝，猶如坐監般。