組合AD2前成員艾美琦（Amy）和黃夏蕙等前晚出席《盂蘭驚嚇行Catwalk》活動，Amy的情慾短片近日在網上瘋傳，她稱律師正處理：「每個人都有唔小心或做錯嘅時候，但我唔會嬲或者怪邊個，亦唔會追究。（自編自導自演？）其他人嘅評論，我唔可以控制。（前男友有道歉？）佢精神上受到好大傷害。」問是否尚在調查流出者？Amy經理人Simon說：「其實唔使查，佢搵咗嗰個人，但已經潛咗水。」最後Amy在Simon提醒下鞠躬致歉：「我為呢件事帶畀香港市民驚恐同恐慌，同你哋講聲對唔住。」

Amy化身鬼娃娃，入型入格。