蕭芳芳昨日以護苗基金會長身份，與林憶蓮出席《Project WAO x 護苗基金 道謝愛心記者會》，芳芳姐透過視像會議，多謝下月在港開演唱會為護苗基金籌款的張惠妹、蔡健雅、那英及憶蓮。芳芳姐親自拎反光板拍照，句句幽默：「我冇事業線，咁樣夠光，靚啲，編輯先會登！」她更揚言要為憶蓮「劈友」：「我要幫憶蓮『劈友』，有傳演唱會啲飛賣晒，其實仲有！」憶蓮笑着幫芳芳姐更正是「闢謠」，芳芳姐說：「我耳仔唔好，廣東話講唔到。」

齊心為善事出心出力的芳芳姐（右）和憶蓮咁啱Key，攬攬又啜面。

林憶蓮、蕭芳芳

芳芳姐感激憶蓮等四大天后開騷籌款。

她又大讚憶蓮：「我睇過憶蓮演唱會，用心唱又台風勁，今次親自為Project WAO搵受惠機構，好勤力又有愛心，抵佢紅嘅！」憶蓮則說：「收益捐畀護苗基金好有意思！芳芳姐多年來嘅努力同付出，令人感動。佢話想聽《至少還有你》，已經擺咗入歌單度。」