周子揚與何傲兒（Lily）14日戀情瞬間玩完，男方昨日在將軍澳電視城開工，他終面對現實坦承和平分手，問是誰提出分手？他說：「冇所謂啦！大家都有咁嘅諗法，冇特別原因。（因女仔覺得成日畀人影到？）唔關事。（有箍煲？）唔講呢啲喇！總之我哋分開咗。（轉地下情？）唔想再回應感情事啦！多謝大家關心。」

何傲兒

周子揚表示與何傲兒和平分手，女方坦承為甩拖而不快。

另一邊廂與蔡思貝拍新劇《衝線》的Lily則表示一切如常：「今次都學識與其要人保護，不如自我保護。（覺得被人借嚟炒作？）我冇咁講過。（懷疑對方出賣行蹤？）我冇去諗。（小心揀男友？）依家會專心工作，感情事隨緣啦！ 」她又哽咽稱有為甩拖唔開心，至於有否哭過？她說：「喊唔喊都唔重要。（轉地下情？）唔係。」並否認公司詐型及施壓導致分手。