四洲太子女戴凱欣除了識飲識食,還煮得一手好的中國菜,最近更愛上甜品,花了大半年時間鑽研各款各樣的甜品,在炎熱的夏天,特別教大家整兩款特色甜品,梅子西瓜冰及咖啡脆脆奶凍,齋睇已涼透心。

戴凱欣炮製兩款透心涼的消暑甜品,吸引力十足。

戴凱欣

身為甜品店老闆娘的戴凱欣,除了西式甜品外,還研究了不少中式甜品。

咖啡脆脆奶凍 

咖啡脆脆奶凍材料

製法
將鮮奶、忌廉、咖啡醬、糖及魚膠片放入慢火煮,技巧是不可以滾,煮到70至80度溫度就要熄火,火候要保持得宜。熄火攤凍後放入雪櫃。

咖啡奶凍雪凍後加入脆脆、啫喱及一球咖啡雪糕便可,成為美味的咖啡脆脆奶凍。

梅子西瓜冰材料

製法
將西瓜肉、梅子汁、糖及冰放入攪拌機,搗至全碎。倒入西瓜殼肉,再加入圓粒西瓜。梅子汁可用甜話梅加糖加水煮成。

炎炎夏日,最佳的消暑方法莫過於在家中涼冷氣,食冰凍的甜品。四洲太子女戴凱欣(Kennis)因為喜歡食甜品,最近與朋友在九龍城開設甜品店,當中有不少款式是由她鑽研。Kennis透露為了滿足不同人的喜好,所以會不停炮製中西合璧的甜品:「香港人好鍾意食甜品,但冬天同夏天嘅甜品又唔同,所以最近不停諗夏天應該食啲乜最好,最後覺得西瓜係最好嘅選擇,西瓜又甜又多汁,整西瓜冰最好。我特別加咗梅子,因為梅子解渴,加喺西瓜入面,味道變得更甜,而且製作容易,大人細路都啱。」

口感時脆時柔

另外,Kennis喜歡咖啡,所以特別在咖啡上花心思,炮製了咖啡脆脆奶凍,她說:「好多人都鍾意飯後飲杯咖啡及甜品,我將兩者合二為一,呢款咖啡奶凍,有好濃郁嘅咖啡香味,將佢煮完雪咗做奶凍,食嘅時間又軟又滑,跟住加上脆脆,口感又時脆時柔好特別,加埋咖啡雪糕,味道一絕。」

材料:咖啡脆脆奶凍

鮮奶:1杯

忌廉:半杯

咖啡醬:1湯匙

糖:1湯匙

魚膠片:兩片

脆脆片:適量

啫喱:適量

咖啡雪糕:1球

材料:梅子西瓜冰

西瓜:一個切半起肉

梅子汁:1湯匙

糖:1湯匙

冰:一大碗