林峯前晚為新劇《使徒行者》到火炭拍攝宣傳片,已決定離開TVB的他說:「會盡量為新劇宣傳。(傳你同曾志偉開公司?)唔會,會尋求其他合作,我想喺電影方面有多啲嘗試。(英皇、太陽娛樂、黃百鳴公司都搵過你?)合作過嘅都有傾,未詳細接觸,好多公司都好有基礎,所以唔使自己開公司。(簽內地公司?)我係香港演員,想扎根香港!」至於女友吳千語有否畀意見?他說:「我有自己諗法,佢從來唔左右我工作。(父母點睇?)我工作咁多年,屋企人只會話:『你決定嘅,我哋都支持!』(簽新公司,條件要畀你結婚?)咩年代呀?有好發展最緊要!」

林峯離開TVB後,希望可在電影方面發展。

林峯為新劇拍攝宣傳片,相當投入。