周秀娜、鄭伊健及楊千嬅等前晚到尖沙咀出席新片《分手100次》慰勞宴，慶祝電影上映5天，票房直衝500萬，導演鄭丹瑞（阿旦）提議下次慶功搞新意思：「如果票房一個禮拜內破1千萬，我同周秀娜浸泡泡浴！（除衫浸？）我一定係！（拍續集？）已有故事大綱，周秀娜係必然之選，伊健就睇表現啦！」

娜姐表示會以三點式浸泡泡浴賀票房報捷，伊健則笑說冇眼睇。

王菀之包到冚出席慰勞宴。

千嬅否認當眾鬧仔。

娜姐聽到有份拍續集即興奮地說：「咁我一定浸泡泡浴啦！自備埋毛巾、浴鹽同花瓣！（三點式上陣？）有熱水都OK，邊度浸都唔緊要。」伊健則笑說：「我冇眼睇，等旦哥試吓啲痛苦滋味，到時我喺側邊笑。」

至於客串演出的千嬅否認日前當眾鬧仔：「我同朋友Tea緊、講緊是非，Torres跌嘢想引人注意，我咪話：『No，Torres！』覺得嗰刻好似身處外國，邊係鬧啫！」