昨日《賭城風雲2》記招上，不少女星以性感搶鏡，高海寧、蔡潔及內地藝人王子子穿上低胸戲服亮相，即時贏盡目光。怎料，風頭卻瞬間被「晶女郎」胡然蓋過，因她以索爆低胸全黑戲服與童菲雙雙亮相，五吋事業線相當養眼，頓成劉嘉玲以外，眾女星之焦點，撼贏「咪神」高海寧！

低胸上陣的高海寧（圖）不敵晒五吋事業線的「晶女郎」胡然！

胡然

被讚性感的高海寧笑說：「呢件係我哋嘅戲服嚟，之後嘅拍攝仲會着泳衣，今次能夠同發哥（周潤發）合作好開心，我媽咪係佢嘅影迷，最開心同佢集到郵，當時即刻傳畀媽咪睇。（帶媽咪去？）等我問清楚先，如果可以就帶媽咪探一場啦！」

內地藝人王子子則大晒胸前的真紋身：「這個紋身我幾日前紋，是戲中角色需要，能跟周潤發合作甚麼也沒所謂！」