周潤發出席無綫有份投資的新片《賭城風雲2》開鏡，突然向拍檔張家輝下跪「謝師」，又謙稱站在家輝旁邊，恍如「發育不健全」，弄得家輝靦腆下跪回敬。發哥更叮囑戲中女友劉嘉玲永不言休，以協助他繼續發展演藝事業，認真搞鬼！ 　　　　　　

發哥笑言與嘉玲咀足三次，次次都唔同感受。

發哥跪謝家輝指點泰拳，嚇得家輝立即下跪回敬。

發嫂亦有到場撐發哥。

余文樂和童菲盛裝出席開鏡。

發哥、家輝、嘉玲及余文樂等昨日雲集將軍澳電視城，「晒冷」出席《賭》片開鏡拜神，場面熱鬧。發哥今次為配合角色，減去30磅之餘，戲中更被安排「越級挑戰」，與盧惠光對打，難怪他於台上發揮幽默本色說：「張家輝激戰，我就泰拳，企喺佢隔籬我好似發育唔健全咁。佢係師傅指點我，我就似係彭于晏，師傅請受徒弟一拜！」隨即下跪，家輝見狀即下跪回敬：「以前同發哥合照，張相都要貼喺床頭增強演藝功力，今次能夠合作，我覺得好似練成『九陰真經』咁囉！」

發哥於戲中與嘉玲「拍拖」，泰國外景期間更上演三幕咀戲。發哥踢爆嘉玲：「劇組為咗營造氣氛，買咗支二千幾蚊嘅香檳，點知嘉玲飲到一滴都冇留畀我！（同嘉玲咀感覺點？）第一次溫馨而浪漫嘅，第二次就有啲苦澀…」他更「叮囑」嘉玲不要退休：「我以前啲女拍檔，生仔嘅生仔，搞環保嘅搞環保，我第二日拍戲就靠晒你嘞！」站在旁邊的嘉玲即說：「我實陪你，但你要睇住我喎。」據悉，他們稍後還會被安排於三萬呎高空的飛機上對打，發哥笑說：「總之我哋有愛情、激情同打情啦！」

激讚樂仔靚仔

另外，余文樂出道以來一直被指酷似年輕時的發哥，發哥一見樂仔即笑說：「好多記者話你似我，我覺得你靚仔過我後生嗰時囉！」隨即將頭貼向阿樂合照。而投資方之一的博納老闆于冬則說：「去年我們在這裏（電視城）開鏡拍《賭城風雲》，結果票房非常之好，所以今次特別再來這裏，這裏是個福地，希望能乘勝追擊。」