藝人郭晉安（安仔）近日在無綫新劇《忠奸人》中扮演雙腳癱瘓的奸險大狀，相隔七年再演奸角的他自認靠純品樣貌「搵食」：「就係我個樣生得純品，監製先會搵我做反派，咁先呃到全世界！」劇中以輪椅代步的他自爆「懶醒」揀坐花式輪椅而差點撞爆頭：「我諗住最醒就係揀最輕巧嘅輪椅，點知係花式用嘅。（受傷？）冇，不過試過一心急就用力過猛，差啲翻車撼爆頭！」

郭晉安為了拍好劇集，即使要全程坐輪椅仍毫無怨言。

阿田（左起）、安仔及陳嘉佳在《忠奸人》中有不少對手戲。

他還自爆以輪椅代步時用錯力，令雙手麻痹：「我醫咗兩個月，搵咗三個醫生。（老婆歐倩怡擔心？）係！針灸同啪骨後有好轉。」問到坐輪椅演戲會否有礙發揮演技，他說：「反而製造到浪漫位，我會用輪椅載阿田（田蕊妮）周街玩！」提到好拍檔阿田，他自爆難忘背足十八頁對白為對方打官司：「我背咗八日，場戲拍到凌晨三點，背到條脷都打晒結！」