藝人車車（張紫櫻）早前參與微電影拍攝，飾演乞人憎港女：「之前做完舞台劇《8美猜兇》後，我發現對演戲興趣愈來愈大，今次微電影導演係睇咗我舞台劇演出至搵我合作，我係第一次拍微電影，當然我都未拍過電影！今次我演一個好鍾意自拍嘅港女，平日唔做嘢又冇禮貌，做姊妹團又剩係掛住喺新娘房高炒玩自拍，仲有好多好乞人憎嘅港女舉動，我自評演出到嗰份『乞人憎』嘅感覺，但如果下次再有機會演，可以做得再好啲嘅，會更有進步！好開心可以同樂隊ToNick合作，佢哋好搞笑，仲有係同《8美猜兇》嘅勞敏心再合作，今次佢演外母，我哋幾多對手戲，好好玩！希望未來我可以有更多機會參與其他戲劇演出！」

車車（右）與ToNick及勞敏心合作拍戲，非常開心。