無綫花旦鍾嘉欣早前與汪明荃（阿姐）拍攝劇集外景，慘變「落湯雞」的阿姐幸獲對方打救！

阿姐慘變「落湯雞」，幸得鍾嘉欣及時趕到打救。

劇情需要，阿姐向細路求救。

汪明荃

鍾嘉欣與阿姐日前到太子拍攝新劇《華麗轉身》一場落雨戲，劇情講述飾演大明星的阿姐，不慎遺留手袋在影樓，身無分文又沒有手機在身的她，惟有在街上流連向人求救，豈料突然落大雨，飾演其助手的嘉欣及時趕到，拯救徬徨無助兼成身濕透的阿姐。

嘉欣首次與阿姐合作，大讚對方Nice、值得尊敬：「今次我哋好多戲份，好感恩可以同佢合作，佢係好令人尊敬嘅藝人，之前我話眨下眼做咗10年，阿姐話做咗47年，佢喺娛樂圈貢獻咗自己一生。」問到阿姐是否很嚴肅？她否認：「佢好Caring、好有心，每次見到啲女仔拍完外景返嚟，佢都會煲啲湯水、涼茶畀我哋飲，即使好重都會拎幾壺返嚟，我覺得好幸福，因為自己一個人喺香港，平時都冇湯水飲。」她又指 拍攝時不時獲對方提點。

同細路鬥戲最難

而阿姐亦大讚嘉欣Smart，並稱最難的反而是當日與童星拍戲。問到現實中有否試過遺失金錢或手機？她說：「我只係試過跌爛咗部手機，結果要即刻買番部，搞到要搵人借電話。」問到有否出動私伙拍攝？戴上珍珠大耳環的阿姐笑說：「少少啦！（珠寶？）依家邊有人戴珠寶出街，我呢隻耳環假㗎！多數人都戴人造首飾。」