羅仲謙、楊卓娜及王俊棠等前晚到觀塘出席電影《泰山3D》首映。羅仲謙與女友楊怡的姊姊楊卓娜結伴出席，記者即取笑他要叫卓娜做家姐，他即反駁：「我叫佢娜姐！叫家姐咪嗌到佢好大咁？」他又表示知道楊怡有買樓：「佢買嚟投資吓。（有冇夾錢？）冇，但私下會同佢交換意見，我都想學佢投資，可能會喺今年試吓！」他又透露若要買樓結婚，會買一間理想的居所。問到拍新劇《衝線》時踩單車會否驚危險，他說：「我都知道陳家樂嘅單車意外，所以我拍單車戲時都會擔心安全問題。」

羅仲謙與「未來家姐」楊卓娜結伴出席活動。

王俊棠否認「鹹豬手」李詩韻。

而同場的王俊棠則被記者追問有指其「鹹豬手」李詩韻一事，他聞言即頻頻說這是一個誤會，不想再提。