高Ling戥琼姐慘 睇到喊

無綫真人騷節目《沒女大翻身》前晚首播，引起不少回響，外間反應大之餘，連藝人高海寧、蕭正楠及黃翠如亦大讚節目感動、不得了。前晚播出的一集中，七位「沒女」主角已露面，當中較為注目的包括果欄琼姐、樣子突出的Meggie及新移民阿銀。本來遭遇可憐的Meggie被導師Eva踢爆「醜惡」一面，原來她將六十多歲母親買給她的物業按了，更去借高利貸，母親每月要為她還利息萬多元，但她支吾以對指拿了錢去讀書，但其實是為了追星。而第三集中，導師替樣貌突出的Meggie大改造，令人耳目一新！而曾遭男人呃錢、父親走佬的她，更要接受心理導師輔導，期間她失控爆喊，宣洩不滿。

蕭正楠讚有勇氣

高海寧昨日受訪時表示，看到琼姐的遭遇忍不住感動流淚：「我媽咪都喺女人街做生意，用啲鐵車推貨，好明白嗰種被環境、生活所逼嘅情況，女人有得揀，邊個唔想喺屋企做家庭主婦，琼姐喺生活中拚搏，我好尊敬佢，節目中佢話只想家人一個擁抱，如果有機會見到佢，我都想親身畀個擁抱佢，鼓勵佢。」而蕭正楠受訪時大讚她們很有勇氣：「節目入面佢哋有好多問題，但其實都睇到佢哋每個有優點，好感動佢哋為屋企人去改變同誠實面對自己。」至於黃翠如則坦言看到很心酸：「琼姐喺節目中話想畀人錫，畀人覺得佢似女人，我真係覺得好心酸、感動。」

此外，對於有網民指節目中的阿銀是無綫記者，編導岑應解釋其實當時阿銀只是替此節目拍攝，訪問港人對新移民的睇法，節目之後亦會播出。而通訊事務管理局接到22宗投訴，指節目對小朋友、社會有影響及歧視，內容醜化女性等。