周星馳新片《美人魚》正進行角色選拔活動，短短幾日已吸引逾萬六人報名，比賽由星爺、導演錢國偉（Wilson）、陳慶嘉及盧正雨擔任評委，第一Round加入網友票數，從官方網看到參賽者照片，燕瘦環肥乜人都有，充斥大量其貌不揚的素顏女及胖男士，令人「嘆為觀止」！亦有人穿少林服裝取悅星爺，暫時票數領先的都是內地靚女，分別是陳可、蔣沁芸及趙夢迪等。

Wilson昨晚表示待報名結束才一次過「驗收」，相信有數十萬段片要過目，定必很頭痛。對於選角準則，他說：「美女偶像組最緊要係自然美，星爺唔鍾意太人工。（要清純定身材好？）冇所謂，睇眼緣。另一組特別才藝組，就有古怪特別嘅技能着數啲。（做過藝人有着數？）有演戲經驗當然好，但如果外形好吸引，完全係新人都OK。」