藝人王敏奕（Venus）及傅嘉莉師弟許嘉偉（Oscar）獲婚紗品牌垂青，早前以情侶檔身份拍攝甜蜜婚紗照。首度合作的二人絲毫沒有芥蒂，幸福感覺表露無遺。與曾國祥蜜運中的Venus透露暫未有意結婚：「呢啲好講緣分同Timing嘅，依家冇諗咁多住。」她又希望日後的結婚儀式以簡單為主：「唔想太大型，會有壓力，只要喺一個好靚嘅地方行禮就心滿意足啦！」而希望早婚的Oscar則表示心態已有改變：「依家想30歲左右，等事業基礎穩定啲先，等對方可以有幸福嘅生活。」

王敏奕希望日後的結婚儀式以簡單為主。

王敏奕與許嘉偉以情侶檔身份拍攝婚紗廣告。