鄭伊健、周秀娜及鄭丹瑞前晚現身銅鑼灣出席電影《分手100次》謝票，伊健憶述在內地宣傳時被稱「垃圾」，娜姐即笑說：「其實男神同垃圾都係一線之差！」此外，伊健透露新戲票房「見紅」，成績理想。

伊健及娜姐重提早前在內地宣傳新片的趣事。

伊健及娜姐現身戲院謝票，大受觀眾歡迎。

鄭丹瑞表示會開拍《分》片的續集。

鄭伊健、周秀娜及鄭丹瑞（旦哥）前晚現身銅鑼灣，為電影《分手100次》向觀眾謝票。問到電影成績時，伊健透露戲飛全數賣光：「幾好！全部見紅！」但他絕不貪功，坦言電影是愛情小品，較受大眾歡迎：「盡做啦！呢啲嘢好多因素嘅。」

拍完冇感覺

其後，伊健分享在內地宣傳的趣事，表示有男粉絲大叫他做「垃圾」，而娜姐亦確認真有其事：「聽到有人好大聲衝出嚟嗌『垃圾』，其實佢係講『男神』。」並稱伊健是她的「過氣」男神，但亦不忘抽水：「其實男神同垃圾都係一線之差！（伊健）真人靚仔過上鏡，但拍完就冇咗嗰種感覺。」

對於活動進行時曾有女觀眾指伊健令人沒有安全感，伊健說：「安唔安全好難講，如果我冇安全感，咁好多人都好唔安全。」並表示難以衡量安全感。問到能否給太太蒙嘉慧安全感？他即說：「梗係（有）啦！使問嘅？」而娜姐亦幫口說：「佢喺套戲裏面令我覺得好冇安全感。」力撐伊健因演技太好才令人產生錯覺。