林峯在發布會上談到與無綫完約一事：「依家係自由身，多謝公司多年栽培，以後絕對有機會再合作。（因為冇視帝？）完全唔關視帝事。（成立工作室？）冇！我唔係呢方面人才。（千語拉攏你簽黃百鳴公司？）冇！我哋唔傾公事。」他又自爆當時拍劇熱到暈，又笑言驚女友吳千語探班辛苦：「當時我已經喺橫店連拍兩套劇，再拍驚自己身體頂唔順。（千語探班錫番？）唔想佢咁辛苦，我都唔想喺內地留成半年，冇得回氣。」他自爆全因想再演皇帝過戲癮而接拍。談到有報道指他與同劇的周麗淇爭唱劇集主題曲，他笑言「造就」機會讓對方與任賢齊首度合唱歌曲，更表示不知周麗淇與徐正曦「一劇定情」。

林峯在佛山巡唱騷舞功。

林峯否認因失落視帝而不與無綫續約。

此外，正忙於巡迴演唱的他表示想於明年推出國語新歌，而他日前在佛山巡唱時更向情侶粉絲贈送名錶及大唱情歌。