早前甄子丹與太太汪詩詩合作設計大象藝術品為協康會籌款，昨日詩詩與母親、女兒Jasmine、兒子James及表妹湛琪清（Jessica）探大象兼做義工。詩詩與Jasmine到藝術品的圍欄內為小象塗上膠水固定位置，戴玩具警章及對講機的James則在旁作指揮。詩詩與Jasmine為參觀的巿民作介紹，非常落力。

汪詩詩（右）與女兒細心地為參觀的巿民作介紹。

汪詩詩帶一對仔女、媽咪及表妹湛琪清探大象兼做義工。

記者事後致電詩詩，她透露剛由加拿大返港：「尋日揭幕我嚟唔到，隻象係我同子丹好畀心機做。今日我係代表子丹，佢依家喺新西蘭拍緊戲，我後日會同小朋友去新西蘭探佢班。」

提到當地片廠早前發生四級大火，詩詩稱十分擔心：「子丹怕我擔心，所以冇同我講，係我睇到報道打畀佢，佢話冇事，但小朋友見到報道好驚，驚到唔想過去探班。但子丹話發生火災嘅片廠唔係佢哋嘅拍攝片廠，冇影響進度要繼續開工。（帶咩慰勞子丹？）我個人囉！」