黃宗澤(Bosco)和鄧麗欣(Stephy)昨日出席活動,一個是冇腳雀仔,一個是想安定下來的準人妻!Bosco指因工作經常做「空中飛人」,追女仔冇心冇力;常被催婚的Stephy終表示已Ready做方師奶!

近期做空中飛人的Bosco無心力追女仔,Stephy則已想安定下來做人妻。

黃芷晴和許廷鏗均大受粉絲歡迎。

Stephy(左起)、新鴻基地產代理執行董事黃振華、新鴻基地產代理助理總經理(租務)孫雅茵、Bosco和組合As One到V city出席活動。

昨日Bosco、Stephy、許廷鏗、黃芷晴,聯同新鴻基地產代理執行董事黃振華、新鴻基地產代理助理總經理(租務)孫雅茵等,出席《V city 1歲生日Bling Bling派對》。Bosco表示本月已飛了北京、成都和上海等地,飛到腳仔軟,問他豈非沒有精力追女仔?他笑說:「咁飛法唔使溝女啦!邊有咁好精力?」

談及其舊愛胡杏兒為撐馬賽,而被內地富婆Laura揶揄她也有過捉姦經驗,Bosco聽罷便說:「唔關我事,唔講啦!加埋我把口又多個人。(佢話杏兒有捉姦經驗!)呢啲拍戲經常發生o架啦!(怕唔怕畀人聯想到係你?)又冇講係我!」並肯定地稱未試過被人捉姦。

Stephy則表示不會被近期的天災人禍嚇怕:「呢排發生咁多大事,希望大家都多啲正能量,有朋友話唔敢搭飛機,又驚去外地有咩意外,我覺得唔驚得咁多。」問她會否珍惜眼前人,盡快與方力申結婚?她說:「咁珍惜唔一定要拉埋天窗,不過會想陪屋企人多啲。」

求婚等驚喜

Stephy揚言未與小方傾過結婚計劃,但她說:「我覺得點都要係男仔講,女仔含蓄啲好啲。(你準備好未?)都可以叫做準備好嘅。(等緊驚喜?)咁女仔都想要驚喜,我寧願有驚喜多過傾,想突然啲、即興啲。」而黃芷晴透露七夕當日才記起是情人佳節,有與男友食飯慶祝,又齊齊去買她穿婚紗影封面的雜誌。