杜德偉(Alex)昨日為8月16、17日舉行的《杜德偉極杜世界巡迴演唱會》綵排,狀態不俗的Alex表示近期加緊操練:「塊面瘦咗,但個身脹咗,因為大佬(杜德智)幫手操弗。(排舞辛苦定操肌辛苦?)係甜蜜嘅負擔,我覺得唔開Concert都應該係咁,個人操完輕鬆好多,而且一操番,啲舊患好番晒。」他又透露獲黃子華獻聲力撐:「好開心呀!佢次次開棟篤笑我都有睇,佢知我開Concert特登Tailor made一段畀我。(請佢做嘉賓?)佢年底開騷,依家閉關。(咁請老婆做嘉賓?)佢又唔係袁詠儀,唔會去幕前喇!做背後嘅女人。」

Alex與一班舞蹈員排舞,非常有氣勢。

Alex落力操肌醫好舊患。