林峯與吳千語昨日拍拖到中環超市買餸，甫進超巿，林峯即「自動波」推住購物車四處選購，兩人睇完零食，又睇調味料、生果及飲品等，不一會已揀選了大堆食品。當行經乾糧貨架時，千語BB睇中貨架底層的食物，林峯即踎低揀，而千語BB則站在旁邊指指點點，其後又搭膊頭撒嬌，氹得林峯笑到四萬咁口。

千語搭膊頭，林峯即時冧笑。

林峯踎低為千語揀食物。

手揈揈的千語情深地望住拿着兩袋戰利品的林峯。

其後兩人排隊付款，林峯付款後還做埋阿四，拿着兩袋戰利品，搭升降機到停車場取車，步出時見到記者拍照，兩人即笑笑口，而手揈揈的千語BB臨走前向記者揮手Say Bye。