李詩韻、馬國明（馬明）與王君馨等昨日宣傳無綫劇集《寒山潛龍》，大會安排小朋友扮劇中演員，馬明在台上與「小馬明」玩到瞓地，更讓扮演「小李詩韻」的小朋友狂敲額頭。而日前承認蜜運的詩韻受訪時甜蜜狂讚男友叻仔：「我第一次咁公開承認，因為唔想畀人亂寫。我男友喺美國創業，幾叻仔，對我好好，係個好男仔！佢好少喺香港，我哋啱啱開始，希望大家畀空間我哋。（點稱呼男友？）叫佢『好男人』啦！係朋友介紹識。（結婚對象？）有潛質o架！（異地戀？）未必係壞事。」

詩韻搵到「好男人」，緋聞男友馬明冇失望。

「小詩韻」敲馬明額頭，相當搞笑。

王君馨獻Sing，有點緊張。

雖然詩韻蜜運，但緋聞男友馬明指冇失望，又自爆心急搵女友：「發緊力啦！有朋友介紹朋友畀我識。（合眼緣？）有，未見過面。（淨睇相？）會一班人食飯！」而獻唱劇集插曲的王君馨則自爆若日後結婚，凡事都以老公為先。