張智霖冧靚靚120萬名車賀壽
有傳袁詠儀（靚靚）出手「干預」老公張智霖（Chilam）與曾傳緋聞的佘詩曼於合演新片中配對，適逢靚靚即將生日，Chilam為氹老婆原來秘密準備一部逾百萬名車當禮物，而昨日他與阿佘同場出席發布會，亦保持「警覺」，保持距離。
張智霖駕駛Maserati Ghibli出席活動，順道「試車」。
張智霖
拜神儀式上，阿佘與張智霖一個來就一個走。
大合照時，阿佘與張智霖明顯保持距離。
張智霖（左二起）主持切燒豬，阿佘與江美儀伸手同切。
鎮宇食完拜神燒肉，準備再上雲霄。
曾傳緋聞的張智霖（Chilam）跟佘詩曼於無綫劇集《衝上雲霄》電影版中再度合作，有指袁詠儀（靚靚）怕二人「舊情復熾」，曾插手阻老公與阿佘合作，《衝》電影版投資方為免節外生枝，最終安排角色互調，改由台灣女星郭采潔配Chilam。與此同時，據知Chilam為氹靚靚開心，早已準備一部新車送給9月生日的她。前晚七夕兼農曆生日的Chilam，跟靚靚及好友伍詠薇等一起慶祝後，昨午他親自駕駛一部約值120萬港元的白色Maserati Ghibli到將軍澳出席《衝》片開鏡發布會順道「試車」。記者問他新車是否自己買，他故作神秘地笑說：「半年前同呢間車廠合作過，佢哋咪畀我用吓囉！依家真係覺得入（市）得過。」
大合照隔開企
發布會上，大會別出心裁地於現場搭出一個飛機場景，安排演員逐一「落機」會傳媒，率先出場的是一身「俏空姐」造型的阿佘，隨後「Cool魔」Chilam、「Sam哥」吳鎮宇及古天樂三大男神齊齊戴黑超及以Sharp醒機師造型登場，大擺Chok爆甫士，全場尖叫聲此起彼落！其他演員還包括「Head姐」江美儀、朱璇及恭碩良等。
Chilam與阿佘在台上未有正面交流，狀甚避忌，大合照時，與阿佘站在正中央的Chilam更保持高度「警覺」，雙手插袋，刻意保持半個身位距離，到眾人進行拜神儀式，阿佘才與江美儀等「搭上搭」Chilam的手一同切燒豬，完事即縮手。直到坐番台下座位時二人才放下「戒心」，交談了一會。大會亦有意無意地將二人「拆散」，Chilam與鎮宇一組接受傳媒訪問，阿佘則安排與古仔一組。
新片冇對手戲
提到有關靚靚「干預」合作的傳聞，Chilam即為老婆解圍：「我哋嘅另一半真係躺着也中槍，咁對佢唔公平，有啲咩變化就講到佢好霸道。」問到靚靚有否因傳言不開心，他說：「佢又冇乜嘢，希望唔好搞到佢好似惡人咁！佢都有溫柔嘅一面。」至於有否介意再跟阿佘合作，他強調說：「絕、絕、絕對唔會！」又笑言未知與台星郭采潔在片中的親熱程度。至於阿佘被問到有關角色互調的傳言，她說：「導演同我講嘅時候已經係依家呢個角色。（同Chilam有冇對手戲？）聽聞就冇喇！」
