自從李詩韻在微博公開拍拖後，與她屢傳緋聞的馬國明昨日在電話訪問中強調與對方只是「純友誼」，故不會表現避忌：「恭喜佢搵到好歸宿！我哋以往傳緋聞都好大方，笑吓就算！（螢幕情侶？）觀眾覺得我哋有嘢先成功！（佢有男友後要避忌？）我哋一向係純友誼，之後再合作都唔使避忌，本身都好少出街食飯！」

鄧健泓戥舊愛李詩韻有拖拍開心。

李詩韻舊愛鄧健泓亦送上祝福：「咁咪好！（留意報道？）冇，但都戥佢開心同祝福佢。（搵好歸宿？）結唔結婚佢自己會識諗，佢覺得開心先會同人一齊！」