藝人湛琪清、趙哲妤、可嵐和梁慧恩等，昨日出席有線節目《為食情報局》活動，湛琪清指有致電慰問在新西蘭拍戲遇到片場失火的表姐夫甄子丹，她說：「佢之前生日我都有打畀佢，我哋知佢拍戲辛苦，因為返親嚟都見佢周身傷。（汪詩詩過去探老公？）以我所知就未去。」

趙哲妤邊哭邊抹淚，力斥周子揚冇風度。

趙哲妤（左起）、可嵐、湛琪清和梁慧恩齊齊出席活動。

同場的趙哲妤對於被周子揚寸爆冇資格評論其新戀情，她哭訴：「佢有道歉話係為咗維護何傲兒，但我覺得委屈同對佢好失望，我冇話人搶我男朋友，男方好冇風度囉！何傲兒貪錢就唔會揀周子揚啦！」而可嵐指家暴事件已銷案，所以離婚要再等一年。