「新移民」朱璇出街冇人鬧

無綫實況劇《我們的天空》揭示港人極度關注的社會問題，當中包括中港矛盾、房屋和教育等，播出後，雖然有逾千宗投訴，但這些「聲音」亦成為觀眾的心聲，此劇備受關注，收視亦相當不俗，上周平均收視有24點，最高更達25點。

此劇總監製黃華麒表示有回響是意料之內，四十年前的《獅子山下》亦同樣有此情況發生，同類敏感題材必定成為討論熱話，不過他強調節目沒醜化香港人或內地人，有些角色性格亦有讚美香港人。至於劇中有份演「新移民」角色的朱璇亦說：「知道有投訴，但公司都收到好多讚好嘅電話，證明個劇多人收睇，其實個劇冇醜化任何人，播出後我出街都冇畀人鬧。」而劇中擔綱貫穿演出的姚子羚坦言，不怕投訴會影響收視。

家燕祖藍「割禾青」

另外，「扮嘢王」王祖藍和薛家燕等昨日出席《Sunday扮嘢王》祝捷會，節目首播平均收視有27點，最高收視更達28點，落力演出的祖藍和家燕姐坦言感到高興，問到會否添食時，二人坦言不會，祖藍笑言見好即收，要割禾青。而家燕姐則表示沒有檔期之餘，扮嘢背後亦需要長時間排練。

同場還有最近公開戀情的何傲兒和周子揚，兩人均感尷尬，接受訪問時分別表示想低調，談到林建名身邊又有靚女出現，何傲兒笑說：「林生身邊成日都有靚女o架啦！」