成龍現身深圳為巡迴演唱會綵排，提到主演電影在甘肅遇沙塵暴肆虐，他透露當地高溫高達52度，環境惡劣，更準備做「快閃黨」，巡唱後乘夜機返當地趕工，認真搏到盡！

成龍昨日到深圳為演唱會綵排時透露，將搭夜機返沙漠拍攝新片，認真忙碌。（攝：樊愛慈深圳傳真）

嘉賓之一的林志穎（左）與大哥合唱一曲《真心英雄》。（攝：樊愛慈深圳傳真）

一班小朋友為成龍伴舞，氹得他十分開心。（攝：樊愛慈深圳傳真）

影壇大哥成龍昨日在赴深圳為今晚舉行的《飛躍百部電影人生演唱會深圳站》綵排，身為嘉賓之一的林志穎與大哥合唱一曲《真心英雄》。據知大哥同時正在甘肅阿克塞拍攝電影《天將雄獅》，因此忙於兩地奔走，他透露當地天氣惡劣：「今朝（昨晨）先到深圳，聽晚做嘢就要夜機返沙漠繼續拍，現場高溫高達52度，之前大風沙吹走咗50幾個帳篷，等咗45分鐘啲暴風都唔停。（拍攝受影響？）現場900幾位工作人員合力，相信可以追番進度，早前趕拍咗啲鏡頭，呢兩日主要係拍其他人嘅戲。」

雖然舟車勞頓，大哥卻顯得樂此不疲，並笑言早有巡迴演出的計劃：「4月生日嗰場已經有計劃做巡迴，希望宣揚和平友愛嘅大意義，遲吓想去埋啲有爭議性嘅地方如越南、菲律賓同韓國等，用音樂無界限嚟喚醒全人類。」

韓星Rain任嘉賓

早前完成杭州站的演出，大哥今次移師深圳，除林志穎外，還請來韓國組合Super Junior M（SJ-M）、容祖兒、古巨基及梁靜茹等多位韓、港、台三地紅星擔任演唱會嘉賓，其中更有剛從兵役退伍的韓國天王Rain，大哥說：「佢一當完兵出嚟就打畀我，咁我就搵埋佢嚟做嘉賓，不過SJ-M嘅崔始源就因為忙拍《破風》嚟唔到。」

提到台灣高雄的氣爆事件，大哥表示遺憾：「啱啱先知，啲氣管水管到處都係，冇得避，唔知可以做到乜。」