台灣高雄氣體大爆炸釀成多人死傷，藝人高海寧（高Ling）弟弟正在當地旅遊，事發後更一度失聯，令高Ling心急如焚，擔心致無法入睡。另一邊廂，早前在高雄拍戲的台灣男星彭于晏，對當地一夜間變成人間煉獄深感難過！

高Ling極擔心細佬安危，幸最終聽到對方「報平安」。

高海寧（右）

彭于晏日前為拍新片常穿梭高雄街道，令他倍感難過！（資料圖片）

港人旅遊熱點之一的高雄昨晚凌晨發生氣體外洩，引發連環大爆炸，由於事出突然且威力強勁，引致死傷無數！而藝人高Ling正在當地旅遊的弟弟，在爆炸後失聯，嚇得高Ling在社交網留言指用盡所有渠道，希望得知弟弟平安，並略帶自責地表示：「見細佬畢業就出錢請佢去台灣同啲朋友旅行，出發前已經預備晒當地上網卡，等我隨時搵到佢，但事發後搵唔到，WhatsApp冇回應，好擔心！」

高Ling甚至擔心得無法入睡：「一路搵唔到細佬，上網睇片又睇到好擔心！細佬由台南一路玩上台北，啱啱先到高雄咋，就發生咁嘅事。後尾幾經辛苦終於打到畀細佬，佢話冇事至放心，佢話距離爆炸地點有段距離，市面好平靜，佢又問過酒店職員話暫時都安全，我就叫細佬睇吓可唔可以改動行程。」

彭于晏幾日前「路過」

至於台灣型男彭于晏早前在高雄拍攝英皇電影《破風》，他在微博表示：「天佑高雄，生者堅強，逝者安息。幾天前這些道路每一條都曾經穿梭，我非常難過，希望居民和我的親朋好友都平安。」而導演林超賢亦大感震驚及難過，因出事地點正是他們早前拍攝比賽場面的主要場地！大隊早前在花蓮取景時亦曾遇颱風吹襲及山泥傾瀉，令他們一度受困，亦因交通阻塞而令旅客減少，讓他們可有六天時間好好拍攝。

作為「高雄代言人」的五月天昨日透過官網公告捐出1,500萬台幣（約400萬港元）給高雄巿政府社會局社會救助金專戶：「五月天願與高雄站在一起，感同身受，希望凝聚全民力量，關懷不幸受難的警消與同胞。」此外，炎亞綸、李毓芬、郭雪芙、任容萱及劉以豪等台灣藝人將於下月10日捐出私人衣物，並把善款捐給高雄市社會局社會救助金專戶。