現為無綫高層的余詠珊，當年在亞視掌管亞姐大騷時亦試過用這個神秘賽制。身為1996年亞姐冠軍的陳煒，得知今年港姐又玩神秘而感同身受，她以過來人身份說：「其實呢種玩法有好有唔好，對女仔係好，多啲時間準備扮靚，去到Semi-final就已經係最佳狀態，但遲啲見人對女仔都係壓力，因為大家會有更高期望，所以自己當年都大壓力，面生粒粒。（今年港姐提早見人？）都好！今年港姐質素都好靚，早啲畀觀眾欣賞都好。」

陳煒稱當年選美時壓力大到生粒粒。