藝人宋熙年（Sarah）早前抽空與朋友到韓國旅行，她自爆掃足四日貨，行街行餐飽：「每日都早出晚歸，由朝行到晚，行到勁攰！（買咗好多嘢？）咁又唔係，都冇咩點買衫，只係買吓護膚品。」

百厭的Sarah借位錫「金秀賢」，小心粉絲呷醋！

宋熙年在韓國密密買、密密食，夠晒過癮！

此外，她又趁此行追捧《來自星星的你》熱潮，與「金秀賢」合照：「行街嗰陣見到舖頭有金秀賢紙牌，知道有朋友鍾意，所以特登影畀朋友睇吓！（你都鍾意金秀賢？）唔係呀！我都冇睇《來自星星的你》。」